Kleur bekennen

de rooie droad
in n pienleke diskuzzie
is voak dat nait elk woord
op n goldschoaltje wogen is
en dat veul bekeken wer
deur gekleurde brillen

t wederzieds
swaart moaken
van de blinde dij
mit gruin en geel
veur d'ogen oordailde
was voak d'oorzoak
van veul kleurverschillen

nooit staait
swaart op wit
wat widde wieven brengen

mor nait elk
verstaait de kunst
kleuren harmonieus te mengen

eltje ©