n bont palet
wekt wizzelnd'assosioatsies
vol herinnerns in rezoluutsies
van leeg tot hoog
n gekleurde bril
beïnvloudt t oordailen
is schoadelk en funest
veur n dialoog
mainens worden kleurd
in doun en loaten
mor kleuren zulf
veroordailen nait
tinten binnen blind
zo nait d'emootsies
dij de mìns zulf inkleurt
tot aandermans verdrait
eltje ©
Geen opmerkingen:
Een reactie posten